అర్బన్ గ్రూప్ అధినేత..

బాలాపూర్ లడ్డూ.. ₹450 నుంచి ₹39 లక్షల వరకు!

1994లో రూ.450తో మొదలైన వేలం.. 2025లో రూ.35 లక్షలకు చేరిన ధర.. ఈసారి రికార్డు బ్రేక్ అయింది. ఏకంగా రూ.39లక్షలు పలికింది.

హైదరాబాద్‌లో వినాయక చవితి అంటే బాలాపూర్ గణేష్ లడ్డూ వేలం ప్రత్యేక ఆకర్షణ. ఏటా బాలాపూర్ లడ్డూను దక్కించుకునేందుకు పోటీ పడే భక్తులు.. భారీ మొత్తంలో బిడ్లు వేస్తుంటారు. 1994లో కేవలం రూ.450తో ప్రారంభమైన ఈ వేలం.. ఇప్పుడు లక్షలు దాటిపోయింది. 2025లో ఏకంగా రూ.35 లక్షలకు చేరి కొత్త రికార్డు సృష్టించింది.

రూ.450తో మొదలైన ప్రయాణం

బాలాపూర్ గణేష్ లడ్డూ వేలం తొలిసారిగా 1994లో జరిగింది. తొలి వేలంలో కొలను మోహన్‌రెడ్డి రూ.450కు లడ్డూను దక్కించుకున్నారు. ఆ తర్వాత ఏడాది కూడా ఆయనే రూ.4,500కు లడ్డూను సొంతం చేసుకున్నారు.

1996లో రూ.18 వేలు, 1997లో రూ.28 వేలు, 1998లో రూ.51 వేలకు చేరిన లడ్డూ ధర.. ఆ తర్వాత క్రమంగా పెరుగుతూ వచ్చింది.

లక్ష దాటిన బిడ్ ఎప్పుడు?

2002లో బాలాపూర్ లడ్డూ వేలం తొలిసారి లక్ష రూపాయల మార్క్‌ను దాటింది. ఆ ఏడాది రూ.1.05 లక్షలకు లడ్డూ అమ్ముడైంది.

2003లో రూ.1.55 లక్షలు, 2004లో రూ.2.01 లక్షలు, 2006లో రూ.3 లక్షలు, 2008లో రూ.5.07 లక్షలకు బిడ్ చేరింది.

10 లక్షల మార్క్ కూడా దాటింది

2012లో బాలాపూర్ లడ్డూ ధర రూ.7.50 లక్షలకు చేరగా.. 2013లో రూ.9.26 లక్షలకు పెరిగింది. 2015లో తొలిసారి రూ.10 లక్షల మార్క్‌ను దాటి రూ.10.32 లక్షలకు చేరింది.

ఆ తర్వాత కూడా లడ్డూ ధర పెరుగుతూనే వచ్చింది.

2016లో రూ.14.65 లక్షలు, 2017లో రూ.15.60 లక్షలు, 2018లో రూ.16.60 లక్షలు, 2019లో రూ.17.60 లక్షలకు చేరింది.

కరోనా సమయంలో వేలం లేదు

2020లో కరోనా పరిస్థితుల కారణంగా బాలాపూర్ లడ్డూ వేలం నిర్వహించలేదు. 2021లో మళ్లీ వేలం ప్రారంభమై రూ.18.90 లక్షలకు చేరింది.

2022లో రూ.24.60 లక్షలు, 2023లో రూ.27 లక్షలు, 2024లో రూ.30.01 లక్షలకు లడ్డూ ధర పెరిగింది.

గతేడాది రికార్డు.. రూ.35 లక్షలు!

2025లో బాలాపూర్ లడ్డూ వేలంలో లింగాల దశరథ్‌గౌడ్ రూ.35 లక్షలకు లడ్డూను దక్కించుకున్నారు. ఇప్పటివరకు ఇదే అత్యధిక బిడ్‌గా నిలిచింది.

అంటే 1994లో రూ.450తో ప్రారంభమైన వేలం.. 2025 నాటికి రూ.35 లక్షలకు చేరింది.

బాలాపూర్ లడ్డూ వేలం చరిత్ర

సంవత్సరం	విజేత	బిడ్
1994	కొలను మోహన్‌రెడ్డి	₹450
1995	కొలను మోహన్‌రెడ్డి	₹4,500
1996	కొలను కృష్ణారెడ్డి	₹18,000
1997	కొలను కృష్ణారెడ్డి	₹28,000
1998	కొలను మోహన్‌రెడ్డి	₹51,000
1999	కళ్లెం అంజిరెడ్డి	₹65,000
2000	కళ్లెం ప్రతాప్‌రెడ్డి	₹66,000
2001	జి. రఘునందన్ చారి	₹85,000
2002	కందాడ మాధవరెడ్డి	₹1.05 లక్షలు
2003	చిగిరినాథ బాల్‌రెడ్డి	₹1.55 లక్షలు
2004	కొలను మోహన్‌రెడ్డి	₹2.01 లక్షలు
2005	ఇబ్రహీం శేఖర్	₹2.08 లక్షలు
2006	చిగురింత తిరుపతిరెడ్డి	₹3 లక్షలు
2007	జి. రఘునాథం చారి	₹4.15 లక్షలు
2008	కొలను మోహన్‌రెడ్డి	₹5.07 లక్షలు
2009	సరిత	₹5.10 లక్షలు
2010	కొడాలి శ్రీధర్‌బాబు	₹5.35 లక్షలు
2011	కొలను బ్రదర్స్	₹5.45 లక్షలు
2012	పన్నాల గోవర్ధన్‌రెడ్డి	₹7.50 లక్షలు
2013	తీగల కృష్ణారెడ్డి	₹9.26 లక్షలు
2014	సింగిరెడ్డి జైహింద్‌రెడ్డి	₹9.50 లక్షలు
2015	కళ్లెం మదన్‌మోహన్‌రెడ్డి	₹10.32 లక్షలు
2016	కందాడి స్కైలాబ్‌రెడ్డి	₹14.65 లక్షలు
2017	నాగం తిరుపతిరెడ్డి	₹15.60 లక్షలు
2018	తేరేటిపల్లి శ్రీనివాస్‌గుప్తా	₹16.60 లక్షలు
2019	కొలను రాంరెడ్డి	₹17.60 లక్షలు
2020	—	వేలం లేదు
2021	రమేష్‌యాదవ్, మర్రి శశాంక్‌రెడ్డి	₹18.90 లక్షలు
2022	వంగేటి లక్ష్మారెడ్డి	₹24.60 లక్షలు
2023	దాసరి దయానంద్‌రెడ్డి	₹27 లక్షలు
2024	కొలను శంకర్‌రెడ్డి	₹30.01 లక్షలు
2025	లింగాల దశరథ్‌గౌడ్	₹35 లక్షలు

ఈసారి రూ.39లక్షలకు సామ ప్రణీత్ రెడ్డి దక్కించుకున్నారు.

2026 .. రూ.36 లక్షలు..

రూ.450తో మొదలైన బాలాపూర్ లడ్డూ ప్రయాణం.. ఇప్పుడు రూ.39 లక్షల రికార్డు వరకు వచ్చింది.